Nat als 8 lügl 1865 a Sent;
mortals 25 avrigl 1933
Töna Lansel d'eira il frar dal poet Peider Lansel. Passainta sco blers randulins si'infanzia a Pisa e dürant ils mais da stà a Sent. Davo las scoulas lavura'l ün temp aint ils affars da seis genituors in Toscana. Ma ils affars e'l guadagnar raps nu til interessan tant. Sia paschiun d'eira la chatscha. Diversas expediziuns da chatscha in Africa ed in Europa, specialmaing in Novegia. Dal 1907 as partecipescha'l ad ün'expediziun da chatscha a Nowaja Semlia ed in Grönlanda, cun la "Laura", üna barcha da 34 m lunghezza, 7,5 m largezza, albers da 30 m otezza ed ün equipagi da 19 homens.
Dürant quist'expediziun plain aventüras chi düra dals 25 lügl fin als 6 october, sajetta Töna 24 uors, 1 bouv ed üna vacha moschus, 4 chans da mar, 1 foca, divers utschels.