|
|
Domenic Janett
Nat dal 1949; maridà, ün figl ed üna figlia, sta hoz a Stugl
Domenic Janett es creschü sü a Tschlin, ha fat là las scoulas e lura ün giarsunadi da falegnam. Sco tuot ils Janetts d'eira'l fich musical, uschè ch'el ha decis da far carriera da musica. Davo il stüdi al conservatori da Turich lavura e plainamaing sco musizist, schi nun es güsta il temp da chatscha. El suna plüs instrumaints, ma impustüt clarinetta e saxofon. El es versà in differents stils da musica: musica populara, jaz, musica classica, musica instrumentala, da pop ed eir da rock.
El es il manader musical da la chapella "Ils Fränzlis da Tschlin". Aint in quella fuormaziun fan part seis frars Curdin e Duri, sia nezza Madlaina Janett e Men Steiner.
Domenic Janett ha sunà la clarinetta e'l saxofon pro'l proget "Missa Rotna" da la scoula da Sent. Las rapreschantaziuns han gnü lö sonda, ils 4 gün 2005 aint illa baselgia da Sent e dumengia, als 5 gün 2005 aint illa sala polivalenta da Tschlin.
|
