Nat: 11 marz 1897 a Mantova
Mort: 1988 a Sent

Il Randulin Guglielm Bazzell es nat a Mantova in Italia ingio cha seis genituors vaivan ün affar da pastizaria e drogaria. Cun 9 ons perda’l a seis bap e la famiglia va a star a Sent. Scoulas a Sent e stüdis a la scoula media dad Aschera. Cumanzamaint culla cariera d’artist. Sogiorns a Turich (scoula Böcklin), a Firenze (academia) ed i'ls ons 1920/21 a Paris (Grande Chaumière). Là fa’l la cugnuschentscha cun Alberto Giacometti.
Ils motivs predilets da seis purtrets d’eiran bels chantunets dal cumün, cuntradas e fluors, in stil impressiunistic. Diversas exposiziuns a Pisa, Firenze, Scuol e Sent.
El d’eira versà eir in restoraziuns da chasas, p.ex. la “Chasa dal spus”, la “Chasa dals liuns”, la chasa “Andri Poo”, l’imbellimaint intern da la baselgia San Lurench, tuot a Sent.
Dal 1945 ha’l maridà a duonna Germaine Umiker.
Dürant 20 ons ha Memo passantà bleras uras in sia chamonna a Prà Faver. Dal 1965 ha’l fabrichà üna chasetta a Sur En, sco avdanza da stà.