 |
Als 11 lügl 2010 ha gnü lö la festa da giubileum "100 ons senda dal Quar". L'ora d'eira optimala ed üna massa dad indigens e giasts sun gnüts a festagiar quist anniversari, chi a pè ed chi cun veiculs miss a disposiziun e sponsorats da plüssas firmas. Grazcha als buns manaschunzs s'han pudü splajar ils transports da Sur En in Uina ed inavo a plaina satisfacziun.
Eir blers giasts dal Vnuost d'eiran da la partida. Els sun gnüts sur il Pass da Schlingia e s'han masdats culs indigens.
Blers han vis o sun passats per la prüma jada tras la senda spectaculara da la strettüra dal Quar.
Üna delegaziun da la secziun da Pforzheim dal DAV d'eira eir preschainta. Quai es la secziun chi vaiva fabrichà dal 1900 fin 1901 üna chamonna alpinistica da tschella vart dal Pass da Schlingia e chi vaiva gnü l'iniziativa da fabrichar la senda tras la grippa. Quista senda es gnüda fabrichada dal 1908 fin al 1910 da la firma Baratelli ed es gnüda inaugurada als 28 avuost 1910.
|
 |
| La glieud nan dal Vnuost ed aint da Sur En s'han inscuntrats aint illas gallarias, pro'l cumanzamaint da la vart dad Uina. Là ha cumanzà la part ufficiala cul salüd ed ün cuort sguard istoric.
Vers mezdi ha sport il cumün da Sent a tuot ils preschaints ün aperitiv pro la chalchera restorada chi'd es güsta gnüda inaugurada in quist'occasiun. E la società da musica da Sent ha imbelli quist act festiv cun ün pêr tocs musicals.
|
 |
 |
 |
| La glieud da Pforzheim e dal Vnuost instradada vers las gallarias. |
 |
| Sül prà dal bain d'Uina Dadaint han lura tuot ils preschaints gnü l'occasiun da's recrear cun mangiar e baiver. La Grotta da cultura vaiva pisserà per la restoraziun.
Diversas persunas our da la politica, dal turissem, dals alpinists han tut il pled, han portà ils salüds da lur organisaziuns e fat ün pêr ponderaziuns per l'avegnir.
Il "hit" pels uffants es stat la tyrolienne chi traversaiva il prà be sur ils cheus da la glieud oura. Ils creschüts han pudü giodair las bellas producziuns musicalas da la chapella UHU.
Intuorn las trais la davomezdi ha cumanzà il prà a's svödar. Ils üns sun its a pè vers Schlingia o Sur En, oters culs veiculs.
|
 |
 |
Seria da fotografias da la festa 
Rolf Constantin, Pforzheim (pdf)
|
| Chalchera d'Uina Dadaint |
|
| Prospect cul program (pdf) |
| Faltprospekt mit Festprogramm (pdf) |
Pled da bivgnaint (pdf) f
Cudaschin da festa
Uina |
| Artichels aint illa pressa |
|
| Posta Ladina dals 1. lügl 2010 (pdf) |
Allegra, 18 gün 2010, Nicolin Meyer (pdf) |
| La Quotidiana dals 1. lügl 2010 |
Meraner Stadtanzeiger, Nr. 14 / 16.07.10 |
| La Quotidiana dals 13 lügl 2010 |
"der vinschger wind", Nr. 15 / 29.07.10 |