Nat: 19 gün 1903 a Sent
Mort: 26 avrigl 1990 Sent
Nat e frequentà las scoulas dal lö; seminari da magisters ad Aschera. Ün temp ha‘l tgnü scoula a Tavo, lura è‘l i a Turich per stübgiar magister secundar. Instrucziun a la scoula districtuala a Glion. Dal 1943 vain el tschernü sco inspecter per las scoulas d‘Engiadina, Val Müstair e Bravuogn. Dürant 25 ons va Töna, adüna sainza auto privat, davent da Sent in tuot seis cumüns a far visitas in scoula, a dar cussagls als magisters ed observar lur instrucziun. El s‘ingascha fermamaing pella scoula, lavura diligiaintamaing vi da mezs d‘instrucziun.
Dal 1944 - 1969 è‘l redacter dal Chalender Ladin. Quel ha‘l inrichi cun bleras contribuziuns, impustüt d‘istorgia locala. Dal 1956 - 1974 es el stat eir redacter da las Annalas, plünavant commember da la cumischiun Radioscola da la CRR.
Sias vastas cugnuschentschas d‘istorgia locala ha‘l dat inavant in blers referats, in artichels aint ils divers periodics rumantschs. |
 |
