Paginas d’internet cun infuormaziuns a reguard energia, sanaziuns, s-chodamaints eui. pro edifizis

www.dasgebaeudeprogramm.ch

Il chantun Grischun promouva la sanaziun da Lur edifizi. Sco in tuot ils oters chantuns survegnan Ellas/Els raps da promoziun per amegldrar l’isolaziun termica da parts singulas da l’edifizi. Ultra da quai sustegna il chantun Grischun sanaziuns cumplettas cun ün bonus.
In cumbinaziun cun üna sanaziun cumpletta po il chantun Grischun conceder contribuziuns cumplementaras vi dad implants da tecnica da chasa (pumpas a chalur, s-chodamaints cun laina, implants solars, ventilaziuns da confort, chalur persa). Ch’Ellas/Els calculeschan cul Calculatur per raps da promoziun (Fördergeldrechner) quants raps da promoziun chi survegnan.

www.infosubventionen.ch

infosubventionen.ch es la nouva banca da datas da las subvenziuns in Svizra per tuot ils progets da fabrica, sanaziuns e spargn d’energia. In nossa banca da datas sun indatats ultra dals programs da promoziun da la Confederaziun eir ils programs actuals da chantuns, citats, cumüns, fundaziuns, provedimaints d’energia ed oters.

www.minergie.ch

Tant in Svizra sco eir sün tuot il muond as derasa massa plan il savair davart edifizis ecologics. La Charta MINERGIE® voul rinforzar ils princips importants da construcziuns ablas per l’avegnir. MINERGIE^® es ün’etiketta da qualità per edifizis nouvs e modernisats. La marca vain portada cumünaivelmaing da l’economia, dals chantuns e da la Confederaziun.

Il consüm specific d’energia vala sco grondezza directiva per quantifichar la qualità pretaisa pel fabricat. Cun quai es datta üna valütaziun sgüra. Relevant es be l’energia finala chi vain furnida.

www.bafu.admin.ch

L’Uffizi federal d’ambiaint UFA es il post da l’ambiaint da la Confederaziun e tocca pro’l Departamaint federal per ambiaint, trafic, energia e comunicaziun (DATEC).

L’UFA es l’autorità professiunala per l’ambiaint. Ella es respunsabla per l’ütilisaziun ecologica da las resursas natüralas sco eir per la protecziun da l’uman cunter privels da la natüra e la protecziun da l’ambiaint cunter greivezzas exageradas.