La construcziun per fixar la taila - chi's cumpuona da diversas tramas grossas da lain massiv fich pesantas - vain montada per terra - üna lavur delicata chi premetta forza ed indschegn. Maranguns, falegnams, bos-chers, salaschins e serrüriers sun perquai specialmaing bainvis!
Cul grü da la firma Jürg Mader vain la construcziun dozzada e "sventulada" al dret lö - ün'acziun spectaculara!
Pel public vain construida üna tribüna da 280 plazzas - ün'attracziun chi nu's voul plü mancantar!
Sül podest süsom vain plazzà il container pel projectur.
Il char da Cafè Badilatti, plüssas tendas e diversas maisas e bancs servan a nossa restauraziun chi spordscha differentas specialitats culinaricas (guarda ustaria).
In üna garascha vegnan sortits tuot il material e las bavrondas tenor stands.
