Victor Stupan
Dorf Organisation Wirtschaft Veranstaltungen Vereine Kultur Aktuell Suchen

Otras persunas
Andere Personen

Istorgia survista
Geschichte, Überblick

Istorgia, crolologia
Geschichte, Chro-
nologische Übersicht

Glista dals silvicultuors daspö il 1893
Förster ab 1893

Glista dals magisters
Liste der Dorflehrer

Glista dals ravarendas daspö il 1545
Pfarrer ab 1545

Glista dals capos
Gemeindepräsidenten ab 1911

Deutscher Text

Nat: 31 schner 1907 a Sent
Mort: 24 favrer 2002 a Cuoira

El es nat a Sent ed eir creschü sü là, imsembel cun cun 8 fradgliuns, in ün ambiaint pauril. Davo absolt las scoulas da cumün ha'l frequentà il seminari da magisters aint illa scoula evangelica dad Aschera. Ils prüms ons instruischa'l sco magister privat a Malögia e pro la "Schenkung Daples" a Turich. I segua il stüdi da magister secundar a Turich, Paris e Grenoble. Davo fini il stüdi instruischa'l aint illas scoulas secundaras a Turich, Schlarigna, Puntraschigna e Landquart. Dal 1958 -1972 è'l ingaschà a la Scoula Chantunala a Cuoira ed instruischa là las classas bassas dal gimnasi.
La vita davo la pensiun passainta'l a Cuoira.
El es stat divers ons aint il cussagl da la Fundaziun Mengelberg, Zuort.

Per seis ingaschamaint litterar vain el undrà da diversas instituziuns:
Premi da la Fundaziun Schiller.
Premi dal radio Rumantsch pel gö auditiv „Divorzi“.
Premi da l‘“Ex Libris“.

Si'ouvra litterara sun istorgias e raquints, gös auditivs, e poesias.

Vegl larsch a l'ur dal god

Vegl larsch a l'ur dal god
dast frais-cha dmura,
cur ch da stà sten chod
sulai splendura.

Vegl larsch a l'ur dal god,
schi vain da plouver,
suot tia romm'es chod
e bun ricover.

Vegl larsch tü m'hast dat suost
cur cha d'intuorn
la prada d'eir'in flur
da prümavaira.

Giodü ma prüm'amur
n'ha üna saira,
vegl larsch, aint suot teis vout
a l'ur dal god.

Epitaf per ün parlamentari

Che stübgiavat
che cha laivat
scriver sülla foss'ün di
per ün hom dal parlamaint!
A mai'm para quist dezaint:
Quia giascha
ün chi tascha,
mo chi ha bler discurri.

Prosa:

Cla il pitschen, Chasa Paterna nr. 34 (1936)
La chanzun persa, OSL 485, (1954)
Il gobin od otras tarabas, Chasa Paterna nr. 73 (1957)
La Lavera, Chasa Paterna nr. 93 (1974)
Il Sonch Flurin, Chasa Paterna nr. 95 (1976)
Terms, (raquint), Schlarigna 1982

Monografia dal cumün da Sent, 1975 e 1995
Pontresina, (Schweizer Heimatbücher), 1993
bler artichels in gazettas

Poesias:

Nüvlas, (cun intagls da lain da G. Grieshaber), 1971
Funtana, 1983

Dramatica (gös auditiva):

Divorzi, Radio DRS
Eulalia m'ha guardà cun ögliada bunatscha e prusa, CRR 1979
Il bastun, seguond üb'istorgia da K. H. Waggerl

Deutscher Text

Victor Stupan wurde am 31. Januar 1907 in Sent geboren. Zusammen mit 8 Geschwistern ist er dort in einem bäuerlichen Umfeld aufgewachsen. Er hat dort die Primar- und Sekundarschule besucht und anschliessend das Lehrerseminar in der evangelischen Mittelschule in Schiers absolviert. Nachdem er das Primarlehrerpatent erworben hatte, unterrichtete er kurze Zeit an zwei Privatschulen. Dann folgte das Seundarlehrerstudium in Zürich, Paris und Grenoble. Als Sekundarlehrer unterrichtete er in Schlarigna, Pontresina und Landquart. Von 1958 bis 1972 war er an der Kantonsschule in Chur tätig; dort betreute er die unteren Klassen des Gymnasiums.

Für sein umfangreiches literarisches Werk (Erzählungen, Hörspiele, Gedichte) konnte Victor Stupan zahlreiche Preise entgegennehmen: Schillerstiftung, Radio Rumantsch, Ex Libris.